مطرب المهرجانات حمو بيكا يتصدر مؤشرات البحث على جوجل بسبب هذه التصريحات

مطرب المهرجانات حمو بيكا يتصدر مؤشرات البحث على جوجل بسبب هذه التصريحات


بعد أن حل مطرب المهرجانات الفنان الشعبي حمو بيكا ضيفا على برنامج شيخ الحارة والجريئة الذي تقدمه الإعلامية والمخرجة المصرية إيناس الدغيدي ،حيث تصدر مؤشرات البحث على موقع جوجل وأثار الكثري من الانتقادات عبر وسائل التواصل الاجتماعي .

حيث رد الفنان حمو بيكا على سؤال إيناس حول تقليده للفنان محمد رمضان حيث أجاب : "أنا مش بقلد حد وأنا عندي عربيتين والعربيات اللي عندي جايبها قسط وقبل الشهرة كان عندي موتوسيكل وبعدين العربيات".

و تابع محمد محمود المعرف بإسم " حمو بيكا " حديثه قائلا  "محمد رمضان اللي بيقلدنا وهو ممثل المفروض ملوش علاقة بالغناء"، منتقدا في الوقت ذاته مقارنته بالفنان الشعبي مجدي شطة أو اعتبار "شطه أفضل منه" حيث رد قائلا: "مفيش حد أفضل مني ومين اللي يقارني بمجدي شطة، ومجرد ذكر اسمي شهره له، وأنا أكبر من أني أرد عليه ولو مجدي شطة صوته حلو يبقى مصر كلها صوتها حلو".

و عندما سألته عن الفنان الشعبي حسن شاكوش هكذا أجاب "الغرور أكل حسن شاكوش وبقي مش شايف حد وشايف نفسه أنه رقم واحد واللي بيعمله في نفسه غلط، وفي مجالنا محدش رقم واحد.. أنا مش بنفسن وعمري ما أنفسن من شاكوش ولو هينجح 100 سنة أنا فرحان أنه ناجح عشان حسيت أنى عملت حاجة، مؤكدا أن بداية نجاح شاكوش كانت من المشاركة معه في أغانيه وأنه أنتج له حوالي 15 أغنية".

و أضاف حمو بيكا :  "بداية نجاح حسن شاكوش من عندي وهو كان عنده 5% من الجمهور قبل ما يغني معايا، وصعب شاكوش يتنطط عليا وهو بيتنطط على كل الناس إلا أنا وأنا خط احمر بالنسبة له".

إرسال تعليق