الفنانة المصرية ريهام حجاج تهاجم متابعيتنها وتقول "متصورة مع جوزي مش عشيقي"

الفنانة المصرية ريهام حجاج تهاجم متابعيتنها وتقول "متصورة مع جوزي مش عشيقي"



هاجمت الممثلة والفنانة المصرية ريهام حجاج متابعينها عبر موقع التواصل الإجتماعي إنستقرام حيث قالت : «انا شايفة انكم بقالكوا كتير اوي بتحكوا في المحكي؟! ما زهقتوش ؟ ! كلكم علي بعض.. كومنت تلت ترباعكم لجان إلكترونية وفي الربع التاني حافظ وبيردد كلام أنا بقالي سنتين متجوزة وقربت أخلف وأنتم مع كل صورة بنزلها مع جوزي نفس الأشخاص بنفس التعليقات».

و أضافت ريهام حجاج : «عموما أنا متصورة مع جوزي مش عشيقي (حرة ومابعملش حاجة غلط ومش عشان أي سبب غير أني حابة الصورة وحابة أشاركها مع كل الناس السوية مش المريضة . . . اللي بيحبوني وبيبعتولي تعليقات جميلة ولطيفة ) علي الإنستجرام بتاعي انزل عليه اللي أنا عايزه بتتكلموا في موضوع يضحك اساسا».

و أشارت الممثلة  ريهام حجاج: «يعني ما أعتقدش إني ممكن اختار لواحدة فيكم جوزها مثلا ! ! و لا حتي أقول رأيي فيه !! مش من حقي فأكيد مش من حقكم يعني هو مش موضوع يحتمل النقاش أساسا».

حيث إستكملت حديثها قائلة : «عمالين بتهروا في موضوع صاحبة الشأن نفسها طلعت في برنامج واتكلمت عن طلاقها اللي كان من سنة قبل جوازي بتخترعوا قصص وهمية و مصدقنها زي مثلا أننا كنا أعز أصحاب وكلام غريب وأنتم ماتعرفوناش أصلا الجواز والطلاق دا نصيب وحلال مش حاتحرموا حلال ربنا يعني ! ! ! و لا هو التدين بيطلع وقت ما نحب».

و إختتمت ريهام حجاج كلامها : «هو الكلام اللي بيتكتب دا ليه علاقة.. بالدين ولا الأخلاق ؟ لا مسلمة و لا مسيحية و لا يهودية و لا حتي بوذية عندها اخلاق ممكن يطلع منها كلام زي دا لمجرد انها مستخبية ورا موبايل . . . ربنا يهدي صحاب النفسيات الجحيم اللي قاعدين يشتموا علي السوشيال ميديا اي و كل حد و ينظر و يحكم علي حياه بني آدمين مايعرفهمش».

ومن الجدير بالذكر أن الفنانة المصرية ريهام حجاج متزوجة من طليق الفنانة ياسمين عبد العزيز " رجل الأعمال محمد حلاوة " 

إرسال تعليق