منوعات

بالفيديو :المايوه الشرعي”بوركيني” يثير أزمة في الساحل الشمالي بمصر

تداول رواد التواصل الاجتماعي فيديو يظهر عدة أشخاص، بينهم نساء يتهجمن على سيدة ترتدي المايوه الشرعي”البوركيني” داخل بركة سباحة في الساحل الشمالي بمصر ، بحجّة أن نوع القماش الذي ترتديه سيئ وغير ملائم للسباحة، وقد يتفاعل داخل المسبح، ومظهره غير لائق.

المرأة التي دافعت عن وجهة نظرها، مؤكدة أنها ترتدي المايوه الشرعي حتى في مسابح كاليفورنيا في الولايات المتحدة، متهمة رواد المسبح بالعنصرية ،كما سمعت دعوات في مقطع الفيديو لتقبل الآخرين والاستمتاع باليوم الصيفي وبأشعة الشمس.

وقد تطور التلاسن بين رواد المسبح الذين اعتبروا أن المايوه “شكله وحش”، ما اضطر عناصر الأمن في المسبح إلى التدخل وفض الإشكال.

والشخص الذي نشر الفيديو هو مصطفى حسن” وقد وثق ما حدث مع زوجته، وتعرضها لـ”الرفض والعنصرية” بسبب ملابسها، وذلك عبر حسابه الشخصي على موقع التواصل الاجتماعي “فيسبوك”.

ردود أفعال وجدل عبر وسائل التواصل:

هذا وقد تنوعت ردود الأفعال عبر مواقع التواصل الاجتماعي لا سيما على “تويتر”، حيث اعتبر أحد المغردين أن الأمر حرية شخصية، فيما أشار آخر إلى أن مناطق ساحلية أخرى في مصر ترفض ارتداء السيدات للبيكيني.

فيما عبر ناشط آخر بسخرية من الجدل القائم، قائلا إن مصر على وشك الدخول في حرب، والمصريون يتناقشون بشأن البيكيني والبوركيني.

وقد عبر آخرون  إن مثل هذه الممارسات يتم استهجانها في دول غير عربية أو مسلمة، ومن الصادم رؤيتها في مصر ،حيث أن “البوركيني”، أو لباس البحر الطويل، غير مقتصر على المحجبات، إذ ترتديه نساء غربيات لا يرغبن بتعرض أجسادهن لأشعة الشمس الحارقة، ولا يمكن لأي شخص انتقادهن على ذلك.

فيما عبّرت أخريات عن رفضهن لوجود أي مظهر إسلامي في الساحل الشمالي، قائلات إن منظر الحجاب أو البوركيني يؤذيهن.

طبعا كل الناس اللي عرفانى عارفة انى مش بتكلم او بعلق كتير على حاجة بس حصلت معايا النهاردة.. مشكلة انا شايف انها ماينفعش نسكت عليها عشان دى هتكون مثال لنا و لأخواتنا و زوجاتنا و لأجيال ورانا كتير ولازم الناس دى تتغير ويكون لها عقاب زي ما ابتدينا نتغير و نغير عقول ناس كتير و مرضى كتير فى مجتمعنا.. ده فى مثال واقعى حصل لمراتى النهاردة وانا معاها فى pool فى ستيلا الساحل لقيت سكان جايين يقولولها واحنا فى الماية ماينفعش تنزلى باللبس ده او بالمايوه ده !! قالت ليه بكل استغراب و خوف كما لو كانت عملت حاجة غلط . واحدة عندها شاليه زيها زي اى حد و ييجى ناس يقولوا لها اخرجى عشان انتى لابسة مايوه شرعى و مضايقة عيوننا بيه!!هنا كله لابس بيكينى او one piece وطبعا عشان ناس متتطلعش تقول Stella و نربط مسيحيين معانا أحب اقولك ان فيه بنات و شباب زي الورد مسيحين أكتر من مسلمين و كلهم واحد كانوا بيدافعوا عن مراتى و بيقولوا للناس دي انتو مرضى.. أنا شايف اللي حصل ده عنصرية زيهم زى اللي بيقولوا للي لابسة لبس قصير ماتلبسيش و أكيد دول اللي برده عندهم عنصرية اللون و الدين !!ياريت كل واحد يبقى فى حاله احنا فى #٢٠٢٠ يا ناس كفاية جهل . وفى فديو كمان عشان الناس تعمل share ويشوفوا بعينهم وانا اسف عشان فديو ١٠ دقائق ياريت اسمع آراءكم .Edit:انا والله مش قادر اصدق كم الناس اللي دخلت تدافع عن حق و عن منع العنصرية بجد مبسوط اوى مكنتش متخيل ان الموضوع هيسمع كدا بس الحمدلله ان الناس لسه بخير و بيدافعوا كدا شكرا بجد ليكوا كلكم ❤️ ، ارجو توضيح حاجة تانية يا جماعة موضوع عماد متعب حاجة تانية ملهاش دعوة بيا انا فى الساحل فى Stella وهو فى الجونة ارجو مندخلش المواضيع ببعضها و كابتن عماد متعب على مستوى الشخصى راجل بجد قمة الاحترام لكن الموضوعين مختلفين وشكرا .

Gepostet von Mostafa Hassan am Sonntag, 19. Juli 2020

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: Content is protected !!